ஒரே நேரத்தில் தமிழ்நாட்டின் முதல்வராகவும், இந்திய நாட்டின் பிரதமராகவும்
அண்ணாமலையால் செயல்பட முடியுமா என்று அவரது ஆதரவாளர்கள் ஒரு காலத்தில் ஓவராக கூவிக்கொண்டு
இருந்தார்கள். அண்ணாமலைக்கு மிகப்பெரிய பதவி கிடைக்கப்போகிறது என்று அவரது ஆதரவாளர்கள்
காத்திருக்கும் நேரத்தில், அவருக்கு வந்தே மாதரம் பாடல் பொறுப்பாளராக நியமிக்கப்பட்டுள்ளார்.
மத்திய அமைச்சராகப் போகிறார், தேசியத் தலைவராகப் போகிறார், உள்நாட்டு
அமைச்சராகப் போகிறார், ஐநா உறுப்பினராகிறார், தமிழக தேர்தல் பொறுப்பாளர் என்றெல்லாம்
அவரது ஆதரவாளர்கள் கூறிவந்த நிலையில், எந்த மதிப்பும் மரியாதையும் இல்லாத ஒரு பொறுப்பு
வழங்கப்பட்டுள்ளது.
பாஜக சார்பில் அனைத்து மாநிலங்களிலும் பள்ளி, கல்லூரி மாணவ, மாணவியர்கள்,
மக்களுடன் சேர்ந்து ஒரு மாதத்திற்கு வந்தேமாதரம் பாடல் தொடர்பாக பல்வேறு நிகழ்ச்சிகள்
கொண்டாடப்பட உள்ளன. இந்த நிகழ்ச்சிக்கு தமிழகம் உள்ளிட்ட எட்டு மாநிலங்களின் பொறுப்பாளராக
அண்ணாமலை நியமிக்கப்பட்டுள்ளார். இதையடுத்து அண்ணாமலை இப்போது கோவாவுக்குப் போயிருக்கிறார்.
இதுகுறித்து அண்ணாமலை ஆதரவாளர்கள், “வந்தே மாதரம்” பாடலைப்
பெருமளவில் பாடுவதில் நாம் ஒன்றிணைவோம். இந்த மகத்தான முயற்சியை வழிநடத்திய நமது அன்பான
பிரதமருக்கு நன்றியுடன், ஒவ்வொரு பாரதியாரின் இதயத்தையும் உண்மையிலேயே இணைக்கும் ஒரு
கீதத்தின் 150 ஆண்டுகளைக் கொண்டாடுகிறோம்.
இந்த முக்கியமான பொறுப்பு அண்ணாமலைக்குக் கொடுக்கப்பட்டுள்ளது.
இதையடுத்து அண்ணாமலைக்கு தேசிய அளவில் மிக முக்கியமான பொறுப்பு வழங்கப்பட உள்ளது. தமிழக
தேர்தலில் அண்ணாமலை இல்லாமல் எதுவும் நடக்காது’’ என்று இப்போதும் அண்ணாமலைக்கு ஜே போட்டுவருகிறார்கள்.
அண்ணாமலையை ஒவ்வொரு மாநிலத்துக்கும் விரட்டியடிப்பதற்குக் கொடுக்கப்பட்டுள்ள
இந்த பதவியையும் புரமோஷன் என்று அவரது ஆதரவாளர்கள் நினைக்கிறார்கள் என்றால், பரிதாபம்தான்.
