இலவசங்களே இல்லாத தேர்தல் அறிக்கையே எங்கள் நோக்கம் என்ற விஜய்
இப்போது எல்லோருக்கும் வீடு, கல்வி, பைக் கொடுக்கப்படும் என்று அறிவிப்பு செய்திருப்பது
கடும் சர்ச்சையாக மாறிவருகிறது.
கரூர் சம்பவத்திற்குப் பிறகு காஞ்சிபுரம் கூட்டத்தில் பேசியிருக்கும்
நடிகர் விஜய், ஒர் எலைட் அரசியல்வாதி போன்று வீட்டுக்கு ஒரு பைக் என்று பேசியிருப்பது
அரசியல் வட்டாரத்தை அதிரவைத்துள்ளது. வீட்டுக்கு ஒரு பைக் தரப்போகிறார் விஜய் என்று
ரசிகர்கள் குஷியாகிறார்கள்.
இதுகுறித்து பேசும் அரசியல் விமர்சகர்கள், ‘’மீண்டும் மீண்டும்
சினிமா டயலாக் பாணியில் விஜய் பேசுவதைப் பார்க்கப் போரடிக்கத் தொடங்கிவிட்டது. நேரடியாக
திமுகவுடன் மோதுவது தவிர அவரிடம் எந்த அஜெண்டாவும் தென்படவில்லை.
எஸ்.ஐ.ஆர். பிரச்னை நாடெங்கும் தீ போன்று பரவிவருகிறது. அதுகுறித்து
விஜய் அழுத்தம் தரவே இல்லை. ஒரே ஒரு இடத்தில்கூட மத்திய அரசு குறித்தும் மோடி குறித்தும்
ஒரு எதிர்ப்பையும் பதிவு செய்யவில்லை.
திமுகவை நேரடியாக தாக்கி பேசிய உதயநிதிக்கு விஜய் இந்த கூட்டத்தில்
பதில் சொல்லவில்லை. அதேநேரம், தன்னுடைய ரசிகர்களை தற்குறிகள் என்று பேசியதற்கு முக்கியத்துவம்
கொடுக்கிறார்.
அதோடு வீட்டுக்கு ஒரு பைக், ஒரு கார் இருக்கணும் என்பதெல்லாம்
காமெடி அரசியல். இதைத்தான் தேர்தல் வாக்குறுதியில் விஜய் சொல்லப்போகிறாரா என்ற கேள்வி
எழுகிறது. எல்லோருக்கும் எல்லாம் என்று சொல்வதெல்லாம் நன்றாக இருக்கிறது. அதற்கு நிதி
ஆதாரத்துக்கு என்ன செய்வோம் என்று ஒரு தகவலும் இல்லை.
மீண்டும் ஆரம்பித்த அங்கிள் பேச்சு. இனி அங்கிள்னு சொல்லமாட்டேன்னு
சொன்னவர் இப்ப சொல்லவேண்டிய அவசியம் என்ன? முதல்வரை அங்கிள் என்று விமர்சிப்பதைவிட
முதல்வரின் செயல்பாடுகளை, அரசின் செயல்பாடுகளை விமர்சிப்பதே சரியான அரசியல்பணி. பாணி.
தற்குறிக்கு பதில் சொல்வது ஓவர் ரகம். நாளை வேறொரு வார்த்தையை தூக்கி வருவார்கள் அதற்கும்
பதில் சொல்வாரா விஜய்?.
