செங்கோட்டையன் கட்சியில் சேர்க்கப்பட்டதும் உற்சாகமடைந்த விஜய்
ரசிகர்கள் அடுத்து ஓ.பன்னீர்செல்வமும் கே.பி.முனுசாமியும் வருகிறார்கள் என்பதை அறிந்து
அதிர்ந்து நிற்கிறார்கள். விஜய் கட்சியில் ஊழல் பெருச்சாலிகள் இருந்தால் எப்படி ஓட்டு
கேட்க முடியும் என்ற கேள்வி எழுந்துள்ளது.
முன்னாள் அமைச்சரும், 9 முறை சட்டமன்ற உறுப்பினராகவும் வெற்றி
பெற்ற செங்கோட்டையனின் ஒருங்கிணைப்புக் குரல் அதிமுகவில் எடுபடவில்லை. எனவே, கட்சியிலிருந்து
இருந்து நீக்கப்பட்டதைத் தொடர்ந்து விஜய்யின் தமிழக வெற்றி கழகத்தில் இணைந்துவிட்டார்.
தவெகவில் இணைந்த செங்கோட்டையனுக்கு விஜய் தலைமையில் செயல்பட்டு
வந்த 28 பேர் கொண்ட மாநில நிர்வாக குழுவை ஒருங்கிணைக்கும் பொறுப்பு வழங்கப்பட்டுள்ளது.
மேலும் கோவை, ஈரோடு, திருப்பூர், நீலகிரி ஆகிய மாவட்டங்களுக்கு அமைப்புச் செயலாளராகவும்
செங்கோட்டையன் நியமிக்கப்பட்டுள்ளார்.
செங்கோட்டையன் பின்னெ பெரிய தலைவர்கள் யாரும் செல்லவில்லை. ஆனால்,
அடுத்ததாக ஓ.பன்னீர்செல்வம் இணைவார் என்று சொல்லப்படுகிறது. இத்தனை நாட்களும் அமைதியாக
இருந்த பன்னீர், டிசம்பர் 15ம் தேதிக்குள் தன்னை கட்சியில் இணைக்கவில்லையென்றால் தனி
கட்சி தொடங்குவேன் என மிரட்டல் விடுத்துள்ளார்.
தனிக்கட்சி தொடங்கினால் ஏகமாய் பணம் செலவழிக்க வேண்டும். அதற்கெல்லாம்
பன்னீர் சரிப்பட மாட்டார். அதனால் நேரடியாக விஜய் கட்சியில் இணைந்துவிடலாம் என்றே திட்டமிட்டுள்ளாராம்.
அதோடு எடப்பாடி அணியில் இருந்து கேபி.முனுசாமியை கட்சிக்குள் இழுக்கும் வேலைகள் நடக்கின்றன.
இப்படி ஊழல் பெருச்சாலிகளை எல்லாம் கட்சிக்குள் கொண்டுவந்துவிட்டு,
அதன்பிறகு எப்படி ஊழல் இல்லாத ஆட்சியைக் கொடுக்க முடியும் என்று விஜய் ரசிகர்கள் அதிர்கிறார்கள்.
அதோடு ஜெயலலிதா படத்தை சட்டைப் பையில் வைத்திருப்பதும் சிக்கலாகிறது.
செங்கோட்டையன் இனி புஸ்ஸிக்குக் காத்திருக்கும் காலம் வந்துவிட்டது.
