கரூர் நெரிசலில் மரணமடைந்த குடும்பங்களை நேரில் பார்வையிடச் செல்கிறார்
விஜய் என்பதே ஒரு மாதமாக பேசுபொருளாக இருந்துவந்தது. இந்த நிலையில், 20 லட்ச ரூபாய்
39 குடும்பங்களுக்கு அனுப்பப்பட்டது.
கரூர் அல்லது நாமக்கல் பகுதியில் நிகழ்ச்சி நடத்தி ஆறுதல் கூறுவதற்கு
விஜய் மேற்கொண்ட முயற்சிகள் வெற்றி தரவில்லை. ஆகவே, அவர்களை எல்லாம் சென்னைக்கு வரவழைத்து,
மகாபலிபுரம் தனியார் விடுதியில் வைத்து நாளை ஆறுதல் கூறுவது உறுதியாகியுள்ளது.
அதேநேரம், பாதிக்கப்பட்ட குடும்பத்தினரில் பெரும்பாலோர் விஜய்யை
சந்திக்கத் தயாராக இருக்கிறார்கள். ஆனால், நிறைய குடும்பத்தினர் விஜய்யை நேரில் சந்தித்து
ஆறுதல் பெற வேண்டுமா என்று தயங்குகிறார்கள். ஏனென்றால் காலகாலமாக பாதிக்கப்பட்டவர்களை
நேரில் சந்திப்பது மட்டுமே மரபு. விஜய் வீட்டில் துக்கம் நிகழ்ந்தது போலவும், அவருக்கு
ஆறுதல் சொல்வதற்கு நாம் செல்ல வேண்டுமா என்ற கேள்வி நிறைய குடும்பத்தினருக்கு எழுந்ந்துள்ளது.
எனவே, தங்கள் பயணத்தை இன்னமும் உறுதி செய்யாமல் இருக்கிறார்கள்.
இந்நிலையில் 39 குடும்பத்தினரையும் தனித்தனியே சந்திப்பதற்கு மகாபலிபுரத்தில்
ரூம் போடப்பட்டுள்ளது. விஜய் ஒவ்வொரு குடும்பத்தினரையும் ஐந்து நிமிடங்கள் சந்திப்பார்
என்று கூறப்படுகிறது.
இந்த சந்திப்பில் ஏதாவது ஒரு குடும்பம் எமோஷனாகி விஜய்யைத் திட்டிவிட்டால்,
அது வைரலாகிவிடும் என்பதாலே தனித்தனி சந்திப்பு என்கிறார்கள். இந்த வீடியோக்கள் நன்கு
ஆய்வு செய்யப்பட்டு ஒவ்வொன்றாக சமூகவெளிக்கு வருமாம்.
விஜய் அரசியலில் ஒரு புதிய ரூட் போடுகிறார். இது எந்த அளவுக்கு
சக்சஸ் ஆகும் என்பது நாளை தெரிந்துவிடும்.
