அமித்ஷா மவுனம் காப்பது ஏன்?

கடந்த டிசம்பர் 13ம் தேதி பாராளுமன்றத்தில் நடந்த தாக்குதல் குறித்து பிரதமர் நரேந்திரமோடி அல்லது உள்துறை மத்திய மந்திரி அமித்ஷா இவர்களில் யாராவது பதில் அளிக்க வேண்டும் என்று எதிர்க்கட்சி எம்.பி.க்கள் தொடர்ந்து கோரிக்கை வைத்து போராட்டங்களை நடத்தி வருகின்றனர்.

இரு அவையிலும் எதிர்க்கட்சி எம்.பி.க்கள் தொடர்ந்து கேள்வி எழுப்பியதால் அவர்களை சஸ்பெண்ட் செய்து வெளியேற்றிய பா.ஜ.க. ஆட்சி பாசிச ஆட்சி என்று சமூகவலை தளங்களில் கண்டனங்கள் பறந்து வருகின்றன. குறைந்தபட்சம் உள்துறை மத்திய மந்திரி அமித்ஷா பாராளுமன்ற தாக்குதல் குறித்து வாய் திறக்க வேண்டும் என்பதே எதிர்க்கட்சி எம்.பி.க்களின் கோரிக்கையாக உள்ளது. பாராளுமன்ற தாக்குதல் தினத்தன்று இந்த தாக்குதல் நடந்துள்ளது குறிப்பிடத்தக்கது.