கரூர் அசம்பாவிதத்திற்கு அடுத்து நடிகர் விஜய் இன்னமும் வெளியே
வரவில்லை. இம்மாத இறுதியில், திடீர் பயணமாக
ஒரு நாள் கரூர் செல்வார் என்று சொல்லப்படுகிறது. அதேநேரம், அடுத்த மாதங்களில் இரண்டு
மிகப்பெரும் கூட்டங்களுக்கு புதிய ஸ்டைலில் ஏற்பாடு செய்யப்பட்டுள்ளது என்கிறார்கள்.
அதேநேரம், விஜய் த்ருஷா புதிய படம் ஒன்று வைரலாகிறது.
விஜய் த்ரிஷா இருக்கும் படம் போலி என்று விஜய் ஆதரவாளர்கள் ஆதாரத்தோடு
எடுத்துக் காட்டினாலும் திமுகவினர் இந்த படத்தை வைரலாக்கிவருகிறார்கள்.
இந்த நிலையில் விஜய் பங்கேற்கும் முதல் கூட்டத்தில் அதிமுகவுக்கு
பதில் சொல்லப்படும் என்கிறார்கள். அதாவது, சமீபத்தில் ஆர்.பி.உதயகுமார், ‘அதிமுகவுடன்
விஜய் கூட்டணி சேராவிட்டால் அந்த ஆண்டவனால் கூட அவரையும், அவரது கட்சியையும் காப்பாற்ற
முடியாது’ என எச்சரிக்கை செய்திருந்தார்.
அதனால், அதிமுகவுக்கு இந்த கூட்டத்தில் பதிலடி தரப்படும் என்றே
சொல்லப்படுகிறது. அதேநேரம், கூட்டணி குறித்து ஜனவரியில் மட்டுமே முடிவெடுக்கப்படும்
என்கிறார்கள்.
விஜய் பயணத்தில் பெரும் மாற்றம் நடந்துள்ளது. அதன்படி, இனி விஜய்
எல்லா இடங்களுக்கும் ஹெலிகாப்டரில் மட்டுமே பயணிக்க இருக்கிறார். அதேபோல், பொதுக்கூட்டம்
பாணியில் காலை 10 மணிக்குத் தொடங்கி 12 மணிக்கும் முடிந்துவிடும் என்கிறார்கள்.
ரசிகர்களை காக்க வைத்த விவகாரம் விஜய்க்கு மிகப்பெரும் நெகடிவ்வாக
மாறியுள்ளது. எனவே, அடுத்து நேரம் விஷயத்தில் கூடுதல் கவனம் எடுத்துக்கொள்வார் என்று
சொல்லப்படுகிறது.
