ஒடுக்கப்பட்ட மக்களின் குரலாக ஒலிக்க வேண்டிய விடுதலைச்சிறுத்தைகள் கட்சியின் தலைவர் திருமாவளவனின் குரல் இப்போது வன்முறையாளர் பாணிக்கு மாறிவருவது, அரசியல் நோக்கர்களை அதிர வைத்திருக்கிறது.
சென்னை உயர் நீதிமன்றம் அருகே திருமாவளவன் சென்ற கார் எதிர்பாராத விதமாக வழக்கறிஞர் டூ வீலரில் மோதியதாக கூறப்படுகிறது. உடனே திருமாவளவனுடன் காரில் வந்த விடுதலை சிறுத்தைகள் கட்சியினர் மற்றும் அவரது வழக்கறிஞர்கள் இரு சக்கர வாகனத்தை ஓட்டி வந்த வழக்கறிஞரை கடுமையாக தாக்கி அவரது வாகனத்தை சேதப்படுத்தினார்கள்.
சம்பவ இடத்தில் இருந்த திருமாவளவன் உடனடியாக வெளியே வந்து, சூழ்நிலையை சமாதானப்படுத்தியிருந்தால், அந்த விவகாரம் அப்போதே முடிந்திருக்கும். ஆனால், காருக்குள் உட்கார்ந்து வன்முறையை ரசித்தது மட்டுமின்றி, இது திட்டமிட்டு செய்யப்பட்ட வன்முறை என்றும் அறிக்கை கொடுக்கிறார்.
அதாவது எனது காரை வழிமறித்த நிகழ்வு தற்செயலாக நடந்தது அல்ல. அது ஒரு திட்டமிடப்பட்ட சதி என்பது தெரியவந்துள்ளது. இந்த திட்ட மிடப்பட்ட சதிக்கு பின்னாள் ஆர். எஸ். எஸ். மற்றும் பா ஜ க வினர் உள்ளனர் என்று கூறி விஷயத்தை திசை திருப்புகிறார்.
அத்துமீறு, அடங்கமறு என்று கோஷம் எழுப்பிய திருமாவளவன் ஆதரவாளர்கள் உண்மையாகவே வன்முறையாளர்களாக மாறி மக்களை அச்சமூட்டி வருகிறார்கள் என்பதே உண்மை. ஒரு நல்ல தலைவராக சமாதானத்துக்கு தொண்டர்களை வழி நடத்த வேண்டுமே தவிர, வன்முறைக்கு திருமாவளவன் ஆதரவு காட்டக்கூடாது.
