நடந்து முடிந்த 2024 நாடாளுமன்ற தேர்தலில் 400 இடங்களில் வெற்றி பெற்று பெரும்பான்மையுடன் ஆட்சியை பிடிப்போம் என்று சவால்விட்டது தான் மிச்சம். இந்தியா கூட்டணி முன்பு தாக்குபிடிக்க முடியாமல் வெறும் 293 தொகுதிகளில் மட்டுமே வெற்றி பெற்றது. இருப்பினும் 3வதுமுறையாக பிரதமர் மோடி தலைமையிலான பாஜக அரசு அமைந்தது.
பிரதமர் மோடி 3வது முறையாக ஆட்சியை பிடிக்க சந்திரபாபு நாயுடுவின் தலைமையிலான தெலுங்கு தேசம் கட்சி மற்றும் நிதிஷ்குமார் தலைமையிலான ஐக்கிய ஜனதாதளம் கட்சியே காரணம் என்பது நிதர்சனமான உண்மை. அப்படியிருக்க தனிப்பெரும்பான்மையுடன் ஆட்சியமைக்காத பா.ஜக.வின் அரசு இப்போது ஊசலில் தொங்கிக் கொண்டிருக்கிறது என்கிறார்கள் அரசியல் விமர்சகர்கள்.
மேலும் 400 இடங்களை பிடிப்போம் என்று கூறிவிட்டு 293 இடங்களை மட்டுமே பிடித்த பிரதமர் மோடி மீது ஆர்.எஸ்.எஸ். அமைப்பு அதிருப்தியில் இருப்பதாகவும், அவர் வருகிற 6 மாதங்களுக்கு மட்டுமே பிரதமராக இருப்பார் என்றும் தகவல்கள் வெளி வந்து கொண்டிருப்பது குறிப்பிடத்தக்கது.
