மு.க.முத்துவை திமுகவில் வாரிசாக கருணாநிதி முன்னிறுத்திய நேரத்தில் எம்.ஜி.ஆர். கட்சியில் இருந்து பிரிந்து சென்றார். அந்த ஒரு காரணத்தால் 10 ஆண்டுகள் ஆட்சியைப் பிடிக்க முடியாமல் தடுமாறினார்.
அதன் பிறகு மு.க.ஸ்டாலினை கட்சிக்குள் திணித்து முக்கியப் பதவிக்குக் கொண்டுவர நினைத்தார். இதற்கு வைகோ இடையூறாக இருப்பது தெரியவந்ததும், அவருக்குத் துரோகி பட்டம் கட்டி வெளியே அனுப்பினார். என்னை துரோகி என்று சொல்லி முதுகில் குத்திவிட்டதாக ஒவ்வொரு ஊராகச் சென்று கண்ணீர் விட்டு கதறி அழுதார் வைகோ.
இப்போது காலம் மாறியிருக்கிறது. எந்த வாரிசு அரசியலுக்கு எதிராக கட்சி தொடங்கினாரோ, அந்த கட்சியிலேயே தன்னுடைய மகனை முன்னிலைப்படுத்தும் அவசியம் வந்திருக்கிறது. இதற்கு இடையூறாக இருப்பார் என்று கருதப்படும் மல்லை சத்யாவை துரோகி என்று கூறியிருக்கிறார் வைகோ. இப்போது மல்லை சத்யா இதை பேசியதும் கதறிக் கதறி அழுகிறார் வைகோ.
எந்த கருணாநிதியின் வாரிசு அரசியலுக்கு எதிராகக் கட்சி தொடங்கினாரோ, அதே வைகோ அதே கருணாநிதி கட்சியுடன் கூட்டணி வைத்தபோதே அவர் மீதான மதிப்பும் மரியாதையும் ஒட்டுமொத்தமாக நொறுங்கிவிட்டது. இப்போது தன்னுடைய வாரிசுக்கு ஒரு போட்டி வருகிறது என்றதும் இத்தனை நாட்களும் கட்சியைக் காப்பாற்றிய நிர்வாகி மீதே பாய்ந்திருக்கிறார். உண்மையான துரோகி நீங்களே வைகோ.
