தமிழகம் முழுக்க முழுக்க போதை மாநிலமாக மாறிவிட்டது. தெருவுக்குத் தெரு கஞ்சா எளிதாகக் கிடைக்கிறது. டாஸ்மாக்கில் கூட்டம் நிரம்பிவழிகிறது. ஆட்சிக்கு வரும் முன்னர் டாஸ்மாக்கை இழுத்து மூடுவோம் என்று குரல் கொடுத்த ஸ்டாலின் இப்போது, டாஸ்மாக் வருமானத்துக்கு இலக்கு நிர்ணயிக்கிறார்.
அதோடு, தினமும் தமிழகம் முழுக்க கொலை, கொள்ளை, வழிப்பறி, பாலியல் வன்கொடுமை நடக்கிறது. இதற்கெல்லாம் அடிப்படைக் காரணமாக போதைப் பொருட்களே இருக்கின்றன. இதனை தடுத்து நிறுத்த வேண்டிய காவல் துறை ஸ்டாலினின் ஏவல் துறையாக மாறிநிற்கிறது. அதனால் சட்டம் ஒழுங்கு சந்தி சிரிக்கிறது.
இந்த நிலையில் சீமான் நடத்தும் கடலம்மா மாநாட்டை திமுகவினர் கிண்டல் செய்துவருகிறார்கள். மண், மரம், தண்ணீர் என ஒவ்வொரு இயற்கையும் மனிதரின் உயிருக்கு ஆதாரமாக இருந்துவருகிறது. எனவே, இவற்றை காக்கவேண்டிய பொறுப்பு மனிதருக்கு உண்டு என்பதாலே இதுபோன்ற மாநாட்டை நடத்துகிறார் சீமான். நாளை, ‘ஆதி நீயே! ஆழித் தாயே! கடல்சூழ் உலகு! காப்பதே அழகு’ என்ற பெயரில் கடலம்மா மாநாடு நடக்கிறது.
இதை உடன்பிறப்புகள் கிண்டல் செய்வதற்குப் பதிலாக ஸ்டாலினின் டாஸ்மாக் சாதனைக்கும் பாட்டிலுக்கு 10 ரூபாய் வசூல் சாதனைக்கும் ஒரு விழா எடுக்கலாம். போதையில் தள்ளாடும் தமிழகம் 2026ல் மீட்கப்பட வேண்டும்.
