அரசியலில் எது வேண்டுமானாலும் நடக்கும் என்பதற்கு உதாரணமாக இப்போது
பல்வேறு மாற்றங்கள் நடந்துவருகின்றன. விஜய்க்கு பாஜக உதவி செய்யும் நிலையில் திமுகவுக்கு
சீமான் படை களம் இறங்கியிருக்கிறது.
இதுவரை சின்ன சான்ஸ் கிடைத்தாலும் திமுகக்கு எதிராக கடும் விமர்சனத்தை
நாம் தமிழர் டீம் முன் வைக்கும். அதிலும் குறிப்பாக சாட்டையும் இடும்பாவனம் கார்த்திக்கும்
திமுகவை பிரித்து மேய்வார்கள். ஆனால், இப்போது இவர்கள்தான் விஜய் கட்சியினரை கடுமையாக
விரட்டியடிக்கிறார்கள்.
இது குறித்து பேசும் நாம் தமிழர் கட்சியினர், ‘’திமுகவுடன் நாம் தமிழர் கட்சிக்கு இருப்பது பகை முரண்; திமுக வாழ்நாள் எதிரிதான். இது திமுகவினருக்கும் மிக
நன்றாகவே தெரியும். திமுக மட்டுமல்லாது, அதிமுகவும் அந்த வகையினதுதான். இருந்தபோதிலும், திமுகவோ, அதிமுகவோ
எங்காவது ஒரு இடத்தில் தவறி ஒரு நன்மையை செய்தாலும் வரவேற்கவே செய்திருக்கிறோம்.
அனைத்துச் சாதியினரும்
அரச்சகர் ஆகும் திட்டத்தை திமுக கொண்டு வந்தபோது வரவேற்றோம். தைப்பூசத்துக்கு
அதிமுக விடுமுறை விட்டபோது வரவேற்றோம். திமுக, அதிமுகவை தேர்தல் களத்தில் எப்போதும் எதிர்க்கிறோம். ஆனால், ஒரு சிக்கலில் அவர்களது அணுகுமுறை/செயல்பாட்டைப் பொறுத்து
எதிர்ப்பு/ வரவேற்பு என்பதை முடிவு செய்கிறோம்.
இதன் அடிப்படையிலே கரூரூக்கு
உடனடியாகச் சென்ற ஸ்டாலினின் செயல்பாட்டை வரவேற்றார் சாட்டை துரைமுருகன். விஜய்
பதில் சொல்லாது ஓடிப் போனதை ஒப்பிட்டு, “ஸ்டாலின் மீது ஆயிரம் விமர்சனங்கள் உண்டு.” எனத்
தொடங்கித்தான் ஸ்டாலினின் கரூர் வருகையை வரவேற்றார். அதேசமயம், அருணா ஜெகதீசன் ஆணையம் அமைக்கப்பட்டதில் கேள்விகளை
எழுப்புகிறோம்.
தூத்துக்குடி
துப்பாக்கிச்சூட்டுக்கெதிராக அருணா ஜெகதீசன் ஆணையம் அளித்த பரிந்துரைகளை ஏன்
அமலாக்கம் செய்யவில்லை? அதனைப்
போலவே,
இதனையும் கிடப்பில் போட்டுவிட்டால், என்ன செய்வது? எனக் கேட்கிறோம்.
இருந்தபோதிலும், துரைமுருகனைப்
பற்றி அவதூறு பரப்பி, தங்களது
வன்மத்தைத் தீர்த்துக் கொள்ள முயல்கிறார்கள் சில மூடர்கள். அற்பர்களே! அவர்
அளவுக்கு உங்களில் யார் திமுகவை விமர்சித்தது? அவர் அளவுக்கு திமுகவால் அடக்குமுறைகளை எதிர்கொண்டது யார்? திமுகவின் நான்காண்டு ஆட்சிக்காலத்தில், 4 முறை கைது, ஓராண்டுக்காலம் சிறை, குண்டர் தடுப்புக்காவல், அடுத்தடுத்து பல வழக்குகள், சிறைக்குள் உடலியல் சிக்கல்கள், உளவியல் நெருக்கடி என அண்ணன் சாட்டை துரைமுருகன் எதிர்கொண்ட
அடக்குமுறைகள் ஏராளம். இருந்தபோதிலும், சிறைக்குச் செல்லும் முன்பு எந்த வீரியத்தோடு இருந்தாரோ, அந்தளவுக்கு இன்றளவும் இருக்கிறார்; இருப்பார்’’ என்கிறார்கள்.
என்னென்னமோ நடக்கிறது.
