அரசியலில் பழம் தின்று கொட்டை போட்டவர் டாக்டர் ராமதாஸ் என்பதை
பெத்த பிள்ளைக்கு நிரூபிக்கும் வகையில் அப்போலோ மருத்துவமனையில் சிறப்பாக நடந்து முடிந்திருக்கிறது
ஒரு நாடகம்.
ஒரு வழக்கமான மருத்துவப் பரிசோதனைக்காக பாமக நிறுவனர் ராமதாஸ்
அனுமதிக்கப்பட்டதாக செய்தி பரவியது. மருத்துவமனை நிர்வாகமும், “பாமக நிறுவனர்
ராமதாஸ் வழக்கமான மருத்துவப் பரிசோதனைக்காக அப்போலோ மருத்துவமனையில் அனுமதிக்கப்பட்டுள்ளார்.
அப்போலோ மருத்துவமனையில் இருதயம் தொடர்பான மூத்த மருத்துவர் செங்கோட்டுவேலு தலைமையிலான
மருத்துவக் குழுவினர் அவரது உடல்நிலையை கண்காணித்து வருகின்றனர்” என்றே தெரிவித்தது.
இதையடுத்து அன்புமணி வேகவேகமாக மருத்துவமனைக்கு விரைந்தார். அவருக்கு
அனுமதி மறுக்கப்பட்டது. உடனே ஐசியூவில் இருப்பதால் சந்திக்க முடியவில்லை. என்று கூறினார். ஆனால், கொஞ்சநேரத்தில் ஜிகே மணி
மருத்துவமனைக்குள் ராமதாஸுடன் சிரித்தபடி இருக்கும் படம் வெளியிடப்பட்டது.
அதன் பிறகு முதல்வர் மு.க.ஸ்டாலின், எடப்பாடி பழனிசாமி, பாஜக தலைவர்கள்,
சீமான் என்று யார் யாரோ வந்து பார்த்தார்கள். அன்புமணிக்கு மட்டுமே அனுமதி இல்லை என்பதுடன்,
பாமக என்றாலே ராமதாஸ் என்பதை உறுதிபடுத்திவிட்டார் என்று சொல்லப்படுகிறது.
அடுத்து அன்புமணி என்ன செய்யப்போகிறார் என்று பார்க்கலாம்.
