அண்ணாமலை பாணியில் பிரமாண்ட ரோடுஷோ நடத்த ஆசைப்பட்டார் புதிய தலைவர்
நயினார் நாகேந்திரன். விஜய் விவகாரத்தினால் ரோடு ஷோ ரத்து செய்யப்பட்டது மட்டுமின்றி
எந்த கூட்டணிக் கட்சிகளும் கலந்துகொள்ளாமல் தன்னந்தனியே செல்லவேண்டிய கட்டாயத்துக்கு
ஆளாகியுள்ளார்.
தமிழக சட்டப்பேரவைத் தேர்தலுக்கு இன்னும் 6 மாதங்களே உள்ள
நிலையில், ‘தமிழகம் தலைநிமிர தமிழனின் பயணம்’ என்ற முழக்கத்துடன் தமிழகம் முழுவதும்
நயினார் நாகேந்திரன் மதுரையில் இன்று தனது முதல்கட்ட சுற்றுப்பயணத்தைத் தொடங்குகிறார்.
தொடர்ந்து, 13-ம் தேதி சிவகங்கை, 14-ம் தேதி செங்கல்பட்டு
வடக்கு, 15-ம் தேதி சென்னை வடக்கு, 16-ம் தேதி மத்திய சென்னை, 24-ம் தேதி அரியலூர்,
பெரம்பலூர், 25-ம் தேதி தஞ்சாவூர் வடக்கு, 27-ம் தேதி திருச்சி, 28-ம் தேதி திண்டுக்கல்
கிழக்கு, 29-ம் தேதி நாமக்கல் கிழக்கில் சுற்றுப்பயணம் மேற்கொள்கிறார். அடுத்து,
நவ.3-ம் தேதி ஈரோடு தெற்கு, 4-ம் தேதி கோவை வடக்கு, 5-ம் தேதி நீலகிரி, 6-ம் தேதி
திருப்பூர் தெற்கு என தொடர்ந்து, சேலம், தருமபுரி, தஞ்சாவூர் தெற்கு என 28 நாட்கள்
சுற்றுப்பயணம் மேற்கொள்ளும் நயினார் நாகேந்திரன் நவ.22-ம் தேதி தூத்துக்குடி
தெற்கில் நிறைவு செய்கிறார். பின்னர் இரண்டாம்கட்ட பயணத்தை தேனியில் நவ.24-ம்
தேதி தொடங்குகிறார்.
முதல்நாள் பயணத்தில் எடப்ப்பாடி பழனிசாமி கலந்துகொண்டு சிறப்பிக்க
வேண்டும் என்று நயினார் ஆசைப்பட்டார். ஆனால், அதை எடப்பாடி ஏற்கவில்லை. அதேநேரம் நயினாருடன்
நட்புடன் இருந்த டிடிவி தினகரன், பன்னீர் ஆகியோரும் பக்கத்தில் இல்லை. டாக்டர் கிருஷ்ணசாமி
இப்போது விஜய் கூட்டணிக்கு ஆர்வமாக இருக்கிறார். ஜான் பாண்டியனும் ஊசலாடுகிறார்.
ஆகவே, தனியே தன்னந்தனியே நயினார் செல்லவேண்டிய சூழல் ஏற்படுகிறது.
இந்த விஷயம் மற்ற கட்சியினருக்கு எப்படியோ அண்ணாமலை டீமுக்கு செம குஷியை உருவாக்கியுள்ளது.
பரிதாபமாகத் தொடங்கும் நயினாரின் பயணம் சக்சஸ் ஆகுமா என்று பார்க்கலாம்.
