எதிர்க் கட்சிகளே இல்லாமல் தேர்தலில் ஜெயித்துவிட வேண்டும் என்பது போன்று ஆளும் பா.ஜ.க. அரசு பல்வேறு அதிரடிகளை நிகழ்த்திவருகிறது. காங்கிரஸ் கூட்டணிக் கட்சித் தலைவரான ஹேமந்த் சோரன் முதல்வராக இருந்தபோதே கைது செய்தது. வேறு ஒருவரை முதல்வராக்கிவிட்டு அவர் ஜெயிலுக்குப் போனார்.
அதேபோல் இண்டியா கூட்டணியில் தற்போது இணைந்து தீவிரம் காட்டி வரும் அரவிந்த் கெஜ்ரிவாலை மடக்குவதற்கு எத்தனையோ முறை முயன்றது. ஆனாலும், அவர் பா.ஜ.க.வுக்கு எதிராக உறுதியாக நின்ற காரணத்தால் அவரை அமலாக்கத்துறை மூலம் கைது செய்து சிறையில் தள்ளியிருக்கிறது. சிறையிலும் நான் முதல்வராகவே இருப்பேன் என்று கூறிவருகிறார் அரவிந்த் கெஜ்ரிவால்.
மோடிக்கு எதிராக மம்தா பானர்ஜியும் ஸ்டாலினும் கடுமையாக குரல் கொடுத்து வந்தார்கள். இப்போது மம்தா கிட்டத்தட்ட் அமைதியாகிவிட்டார். செந்தில் பாலாஜி கைது செய்யப்பட்ட பிறகு தி.மு.க.வும் அடக்கியே வாசிக்கிறது.
இந்த நிலையில் காங்கிரஸ் கட்சியின் கணக்குகளை முடக்கி வைத்திருக்கும் பா.ஜ.க. அரசு ஏதேனும் காரணத்தால் ராகுல் காந்தியை கைது செய்து சிறையில் அடைக்கவும் வாய்ப்பு உண்
