திமுக ஆட்சிக்கு வந்ததும் ஊழல் செய்த அதிமுக அமைச்சர்கள் அத்தனை
பேரும் சிறையில் இருப்பார்கள் என்று வாக்குறுதி கொடுத்தார் எதிர்க்கட்சித் தலைவராக
இருந்த ஸ்டாலின். ஆனால், இன்னமும் வேலுமணி மீது மட்டுமின்றி அவருக்கு ஆதரவாக இருந்த
அதிகாரிகள் மீதும் எந்த நடவடிக்கையும் எடுக்கப்படவில்லை. இதற்காக நீதிமன்றத்தில் குட்டு
வாங்கியிருக்கிறது திமுக அரசு.
கடந்த 2022ம் ஆண்டில் எஸ்.பி.வேலுமணி மீது லஞ்ச ஒழிப்புத்துறை
விசாரணையை தொடங்கிய நிலையில் தற்போதுதான் வழக்குப் பதிவு செய்யப்பட்டுள்ளது. முன்னாள்
அமைச்சர் எஸ்.பி.வேலுமணி தொடர்புடைய கே.சி.பி. இன்ஜினியர்ஸ், ஜே.எஸ்.வி. நிறுவனங்கள்
மீது வழக்குப் பதிவு செய்தது. எடப்பாடி பழனிசாமி ஆட்சி காலத்தில் நெடுஞ்சாலைத்துறை
ஒப்பந்த முறைகேடு தொடர்பாக லஞ்ச ஒழிப்புத்துறை வழக்குப் பதிவு செய்துள்ளது. ஆர்.ஆர்.
இன்ஃப்ரா ரூ.1.65 கோடி, ஜே.எஸ்.பி. நிறுவனம் ரூ.8.5 கோடி இழப்பு ஏற்படுத்தியது கண்டுபிடிக்கப்பட்டுள்ளது.
கே.சி.பி. நிறுவனம் ரூ.2.62 கோடி, எஸ்.பி.கே. நிறுவனம் ரூ.7.73 கோடி இழப்பு ஏற்படுத்தியதும்
விசாரணையில் கண்டுபிடிக்கப்பட்டுள்ளது.
ரூ.2,000 கோடி சாலை ஒப்பந்த பணிகளை விதிகளை மீறி பெற்று அரசுக்கு
ரூ.20 கோடி இழப்பு ஏற்படுத்தியதாக வழக்குப் பதிவு செய்யப்பட்டுள்ளது. தகுதியில்லாத
ஜே.எஸ்.வி. நிறுவனத்துக்கு சான்றிதழ் தந்த புகாரில் தஞ்சை மாநகராட்சி செயற்பொறியாளராக
இருந்த ஜெகதீசன் மீதும் வழக்குப் பதிவு செய்யப்பட்டுள்ளது. அதிமுக ஆட்சியில் சென்னை,
கோவை மாநகராட்சியில் நடந்த ஒப்பந்த முறைகேடு தொடர்பாக லஞ்ச ஒழிப்புத்துறை ஏற்கெனவே
விசாரணை நடத்தி வருகிறது. முன்னாள் அமைச்சர்கள் மீதான வழக்குகளில் தாமதம் ஏன் என்று
உயர்நீதிமன்றம் கேள்வி எழுப்பியிருந்தது.
இந்த விஷயத்தில் ஸ்டாலின் அரசு வேலுமணியை காப்பாற்றவே முயற்சிப்பதாக
குற்றச்சாட்டு எழுந்துள்ளன. ஏனென்றால் வேலுமணி ஊழலுக்கு உறுதுணையாக இருந்த நான்கு ஐஏஎஸ்
அதிகாரிகள் மீது வழக்கு தொடர அனுமதி தரவில்லை. அது மட்டுமின்றி அவர்களில் 3 பேருக்கு வெயிட்டான போஸ்டிங் கொடுத்து கவனித்துள்ளது.
அதாவது மழைநீர் வடிகால் – நந்தகுமார், உயர்கல்வி துறை – கார்த்திகேயன்
மனித உரிமை ஆணையம் – விஜய கார்த்திகேயன் ஆகியோர் இன்றும் அதே அளவுக்கு வலிமையுடன் திகழ்கிறார்கள்
என்று குற்றம் சாட்டுகிறார்கள்.
எல்லாமே பேச்சு மட்டும்தானா ஸ்டாலின்..?
