தமிழ்நாடு போராடும் என்பதெல்லாம் நடிப்பா ஸ்டாலின்..? கழுத்தை நெரிக்கும் கருத்து சுதந்திரம்.

மத்திய அரசுக்கு எதிராக தமிழ்நாடு போராடும் வெல்லும் என்று குரல் எழுப்பிக்கொண்டு இருக்கும் ஸ்டாலின், தமிழ்நாட்டில் கருத்து சுதந்திரத்தை காலில் போட்டு மிதித்துவருகிறார்.

விஜய்க்கு ஆதரவாக செய்தி வெளியிட்ட காரணத்துக்காக புதிய தலைமுறை செய்தியை அரசு கேபிளில் இருந்து தூக்கினார்கள். இப்போது பிரச்னை வரக்கூடாது என்று பின்னே தள்ளியிருக்கிறார்கள்.

25க்கும் மேற்பட்ட சோஷியல் மீடியா ஆட்களை கைது செய்து சிறைக்குள் தள்ளியிருக்கிறார்கள். இதில் முன்னாள் காவல்துறை அதிகாரியும், அரசியல் விமர்சகருமான  வரதராஜனும் ஒருவர் என்பது குறிப்பிடத்தக்கது.

நீதிமன்ற அவமதிப்பு என்பதை ஒரு சாக்காக வைத்துக்கொண்டு, தனக்கு எதிரான கருத்துகளை வெளியிடும் விமர்சகர்களை முடக்கும் வேலைகளில் திமுக அரசு இறங்கிவிட்டது.  

ஊடகம் என்றால் இருட்டடிப்பு, யூடியூபர், எதிர்க்கட்சியினர், தங்கள் துதி பாடத் தவறும் அரசியல் விமர்சகர் என்றால் உடனே கைது, இப்படி விமர்சனங்களை அதிகாரத் திமிரோடு அணுகும் விடியா திமுக அரசுக்கு மக்களிடையே கடும் எதிர்ப்பு கிளம்பியிருக்கிறது.

இன்று அதிமுகவினர், ‘’உண்மையாகவும் நேர்மையாகவும் தனக்கு எது சரி என்று படுகிறதோ அதை துணிச்சலுடன் பேசி வருபவர் தான் மரியாதைக்குரிய சகோதரர் வரதராஜ் அவர்கள். நேதாஜி டிவி மூலமாக மக்களின் குரலை எதிரொலித்து வரும் அவரை கைது செய்து நெருக்கடி கொடுப்பது என்பது எவராலும் ஏற்க முடியாது. “விநாசகாலே விபரீத புத்தி” என்பார்கள் அதைத்தான் இந்த அரசாங்கம் கடைசிக் கட்டத்தில் செய்து வருகிறதோ என்று சந்தேகிக்க தோன்றுகிறது.

ஓய்வு பெற்ற காவல் துறை அதிகாரியாகவும் ,பொன்மனச் செம்மலை மிகவும் நேசிக்கும் பண்பாளராகவும் , மூத்த வழக்கறிஞராகவும் மிகச்சிறந்த சமூக செயற்பாட் டாளராகவும் இருக்கிற, அன்புச் சகோதரர் வரதராஜ் அவர்கள் மீது கை வைத்த இந்த அணுகுமுறை ஆட்சியாளர்களுக்கு ஆபத்தை உருவாக்கும்’’ என்று எச்சரிக்கை செய்கிறார்கள்.