அரசியல் என்று வந்துவிட்டாலே அவமானம், ரோஷம், மதிப்பு, மரியாதை என்றெல்லாம் எதிர்பார்க்கக்கூடாது என்பதற்கு வாழும் சாட்சியாக மாறியிருக்கிறார் ஓ.பன்னீர்செல்வம். ஜெயலலிதா காலில் விழுந்தார். அடுத்து சசிகலா காலில் விழுந்தார். அதன்பிறகு தினகரன் காலில் விழுந்தார்.
அதன்பிறகு குருமூர்த்தி பேச்சைக் கேட்டு அவர் காலில் விழுந்தார். அவர் சொன்னதைக் கேட்டு மோடியின் காலில் விழுந்தார். மோடியின் உத்தரவுப்படி எடப்பாடியின் காலில் விழுந்தார். துணை முதலமைச்சராக காலத்தை ஓட்டினார். ஆட்சி போனதும் எடப்பாடியின் கால்களுக்குப் பதிலாக மீண்டும் மோடியின் காலில் விழுந்தார்.
அதனால் எடப்பாடி எட்டி உதைத்தார். இத்தனை நாட்களும் மோடியின் காலில் விழுந்த கிடந்த காரணத்தால் மோடி அவரை ஒரு புழுவாகக் கூட மதிக்கவே இல்லை. ஆனாலும் காலில் விழுவது பன்னீருக்குப் பழக்கம். அதனால் தமிழகம் வரும் மோடியின் காலில் விழுவதற்கு ஆசையாகவும் ஆர்வமாகவும் காத்திருக்கிறேன் என்று ஒரு கடிதம் எழுதினார். அந்த கடிதத்தையும் மோடி மதிக்கவில்லை.
இப்போது யாருடைய காலில் விழுவது என்று பன்னீருக்குப் புரியவில்லை. எத்தனை முறை விழச்சொன்னாலும் எடப்பாடி காலில் விழத் தயார் என்று மீண்டும் மீண்டும் தூது அனுப்பி வருகிறார். எடப்பாடியோ கண்டுகொள்ளாமல் அவரை விரட்டியடிக்கிறார்.
இப்போது புதிய கால்களைத் தேடுகிறார் பன்னீர். அது ஸ்டாலின் கால்களா அல்லது விஜய்யின் கால்களா என்பதை காலமே சொல்ல வேண்டும்.
