சமீபத்தில் நேரு மீது ஊழல் குற்றச்சாட்டு ஒன்று எழுந்தது. அரசுப்
பணியிடங்களை நிரப்பும் பணியில் பல கோடி ரூபாய் ஊழல் நடந்ததாகக் கூறி, அமைச்சர் கே.என்.
நேருவை விசாரிக்க கோரி அமலாக்கத்துறை நடவடிக்கை எடுத்துள்ளது. இந்த ஊழலில் மட்டும்
சுமார் 900 கோடி நேரு சுருட்டியிருப்பதாக பலரும் குற்றம் சாட்டிவருகிறார்கள்.
இந்த நிலையில் திருப்பதி கோயிலுக்கு 44 லட்சம் ரூபாய் நேரு நிதி
வழங்கியிருப்பது பலத்த சர்ச்சையை ஏற்படுத்தியிருக்கிறது.
திருப்பதி திருமலை தேவஸ்தானம் சார்பில் தினமும் லட்சக்கணக்கான
பக்தர்களுக்கு மூன்று வேளைகளும் இலவச உணவு வழங்கப்படுகிறது. இந்த அன்னதான சேவைக்கான
ஒரு நாள் முழு செலவான 44 லட்சம் ரூபாயை அமைச்சர் கே.என்.நேரு வழங்கியிருக்கிறார். குறிப்பாக
நேருவின் பிறந்த தினமான நவம்பர் 9 அன்று இந்த அன்னதானத்திற்கான முழு செலவையும் அமைச்சர்
கே.என். நேரு ஏற்றுக்கொண்டுள்ளார்.
இதையடுத்து தந்தை பெரியாரின் கொள்கைகளை பின்பற்றுவதாக கூறும் திமுகவினர்,
இப்படி உலகின் பணக்கார கோயிலுக்கு பல லட்சங்களை அள்ளி கொடுப்பது எதற்கு…? ஊழல் பணத்தை
கடவுளுக்கு லஞ்சமாகக் கொடுக்கிறாரா நேரு… இவர் கடவுளுக்கு லஞ்சம் கொடுப்பதே 44 லட்சம்
என்றால் அடித்த தொகை எவ்வளவு இருக்கும் என்றெல்லாம் கேட்கிறார்கள்.
பதில் சொல்லுங்கள் நேரு.
