யாருமே எதிர்பார்க்காத வகையில் விஜய் கூட்டத்தில் கலந்துகொண்டவர்கள்
இதுவரை 41 பேர் மரணம் அடைந்திருக்கிறார்கள். இந்த எண்ணிக்கை இன்னமும் அதிகரிக்க வாய்ப்பு
உண்டு என்றே கருதப்படுகிறது.
இந்நிலையில் நெரிசலில் எப்படி மரணம் நிகழ்கிறது என்பது குறித்து
டாக்டர் சபரி தெளிவாக ஒரு விளக்கம் கொடுத்திருக்கிறார்.
இந்த நெரிசல் மரணம் குறித்து டாக்டர் சபரி, ‘’கூட்ட நெரிசலில்
அலைமோதும் போது, இடமே இல்லாமல் ஒருத்தரோடு ஒருத்தர் மோதும் போது மூச்சுத்திணல் ஏற்பட்டு
உயிரிழக்கிறார்கள். இதைத்தான் stampede என்று ஆங்கிலத்தில் என்று சொல்வார்கள்.
•மூச்சு
விடும்போது நுரையீரல் சுருங்கி விரியணும்.ஒருத்தரோடு ஒருத்தர் மோதுகிற போது நுரையீரல்
விரிய முடியாமல், மூச்சுத் திணறல் ஏற்படுகிறது. இரண்டு அல்லது மூன்று நிமிஷம் இந்த
நிலை நீடித்தால் கூட அவர்களால் மூச்சை இழுத்துவிட முடியாது. அப்ப ஆக்சிஜன் கம்மியாகிறது. இந்த நிலை கொஞ்சநேரம்
நீடித்தாலே, நமது உடல் உறுப்புகள் ஒவ்வொன்றாக செயல் இழக்க ஆரம்பிக்கும். உடனே cardiac
arrest அல்லது respiratory arrest ஆகலாம். சிலர் கோமாவுக்கு போயிடறாங்க. மயக்கம் ஆயிடறாங்க.
இறப்புக்கு காரணமே மூச்சுத் திணறல் தான்.
•இரண்டாவது
ஒருத்தர் மீது ஏறி ஒருத்தர் மிதிக்கிறாங்க. .அதனால மண்டையில அடி படுது.நெஞ்சில எலும்பு உடையறது.இதெல்லாம்
இரண்டாவது, மூன்றாவது காரணமாக சொல்லலாம். இங்கு 90-95 சதவீதம் இறப்புக்கு காரணம், மூச்சுத்
திணறல் தான்.
அடியே படாமல் கூட,நின்றுகொண்டே இருந்தால் கூட, நாலு பக்கமும் அழுத்தம்
வரும்போது மூச்சு விட முடியாமல், திணறி இறப்பார்கள்.
•இதில் குழந்தைகளும்
இறந்திருக்காங்க. 5 வயது,10 வயது எல்லாம் இருக்கு. இதற்கு காரணம்- அவங்க வீக்கா இருப்பாங்க.
அவர்கள் உயரமே கம்மி. பெரியவர்கள் ஐந்தரை அடி, ஆறுஅடி உயரம் இருப்பார்கள். நெரிசலில் சிக்குகிற போது,
இவர்கள் தான் மூச்சு விட முடியாமல் அதிகம் பாதிக்கிறார்கள் .நாலைந்து பேர் அழுத்தும்
போது இவர்கள் எலும்புகள் உடையவும் வாய்ப்பு இருக்கிறது.
நார்மலா கூட்டம் அதிகமாக இருந்தாலே மூச்சுத் திணறல் வரும் என்பது
உண்மை. ஆனால் உயிரிழப்பு அளவுக்கு போகாது. ஏன்என்றால் நமது அட்மாஸ்பியர்ல 21 விழுக்காடு
ஆக்சிஜன் எப்போதுமே இருக்கும்.
திநகர் ரங்கநாதன் தெருவில் கூட்டம் இருந்தாலும், அது நகர்ந்து
கொண்டே இருப்பதால் மூச்சுத்திணறல் ஏற்படாது. காரணம்- இடைவெளி இருக்கும். மூச்சு விட
சிரமம் இருக்காது. இடைவெளி குறைய குறையத் தான் சிக்கல்கள் ஏற்படுகிறது.
கூட்டத்தில் சிக்கிக் கொண்டால்,முதலில் பதட்டப்படக்கூடாது. அய்யோ..அய்யோ
என்று பண்ணும்போது ஈஸியா ட்ராப் ஆயிடுவோம். பதட்டம் நமது ஆன்சைட்டி ஹார்ட்ரேட்டைஇன்னும்
அதிகப்படுத்தும். அது இன்னும் ஆபத்து.
இரண்டாவது, கூட்ட நெரிசல் எப்படி போகுதோ, அந்த ஓட்டத்திலேயே நாமும் போகணும் என்பது ரொம்ப முக்கியம்.
மூன்றாவது ரொம்ப முக்கியமான பாயிண்ட்- கைகளை உங்கள் நெஞ்சுக்கு முன்னாடி கொண்டு வந்துவிட வேண்டும்.
காரணம், இந்த இடத்தில் எல்லாரும் நம்ம நெஞ்சதான் பிடிச்சு அழுத்துவாங்க. அப்போது மூச்சை
இழுத்துவிட முடியாது. கையை நெஞ்சுக்குமுன்
வைத்திருந்தால், நெஞ்சு விரிவதற்கும், மூச்சுவிடுவதற்கும்
காலையில் இருந்தே கூட்டநெரிசல் இருக்கு. எப்போதுமே காலையில் எனர்ஜி ப்ரெஸ் ஆக இருக்கும். மேலும் காற்று பரிமாற்றம்,வெப்ப
சூழல், எவ்வளவு டிகிரி வெயில் இருக்கு…இதை பொறுத்து தானாகவே எனர்ஜி லாஸ் ஆகும். குறிப்பாக
நீர் இழப்பு ஏற்படும். ஒருத்தர் Dehydration போறாங்கன்னா, தசை சோர்வு ஏற்படும். சின்ன
மயக்கம். இதைத் தான் பாடிரியாக்ட் பண்ணும். உடனே கொஞ்சம் படுப்பாங்க அல்லது தண்ணீர்கு
டிப்பாங்க. ஆனால் அதை பொருட்படுத்தாமல், தளபதி வந்துடுவார்.. வந்துடுவார் என்று இருந்ததால்,
தண்ணீர் குடிக்காமல், வெப்ப சூழல் அதிகமாகி,மாலை வரை அப்படியே இருப்பதால் டோட்டலாக
பல்வேறு காம்பிளிகேஷன் நடக்கலாம்.
விஜயை பார்க்க கூட்டம் வருகிறபோது அங்கே குழந்தைகளை அழைத்து வந்திருக்கவே
கூடாது. இரண்டாவது கர்ப்பிணிகள். மூன்றாவது மூத்த குடிமக்கள். இவங்களுக்கு ஈஸியா
cardiac arrest அல்லது ஆக்சிஜன் பற்றாக்குறையால் பாதிப்பு வரலாம். ஹார்ட் பேஷன்ட்,
பிபி மாத்திரை எடுக்கிறவங்க, சுகர் பேஷண்ட் போகவே கூடாது.இனி அடுத்தகூட்டத்துக்காவது
போகாமல் இருங்கள்…’’ என்கிறார்.
