கடந்த 10 ஆண்டுகளாக இந்த நாட்டை ஆண்டு வரும் பிரதமர் நரேந்திர மோடி மூன்றாவது முறை பிரதமராக வரும் ஆசையில் மிகத் தீவிரமாக தேர்தல் பரப்புரை செய்துவருகிறார்.
10 ஆண்டு காலத்தில் என்னவெல்லாம் சாதனைகள் செய்திருக்கிறது பா.ஜ.க. அரசு என்பதை எடுத்துச்சொல்ல முடியாமல் எதிர்க் கட்சிகள் மீது மதத் துவேச குற்றச்சாட்டுகள் வைப்பதையே தொடர்ந்து செய்துவருகிறார்.
காங்கிரஸ் கட்சி ஆட்சிக்கு வந்தால் இந்து மக்களின் தாலியை பறித்துவிடும், உங்களிடம் இரண்டு எருமை இருந்தால் ஒன்றை பறித்துவிடும், உங்கள் சொத்துக்களை எடுத்து முஸ்லீம்களுக்குக் கொடுத்துவிடும் என்றெல்லாம் பூச்சாண்டி காட்டுகிறார்.
அதோடு, ராமர் கோயிலை கட்டியிருக்கிறோம். இண்டியா கூட்டணி அதிகாரத்திற்கு வந்தால் ராமர் கோவிலுக்கு பூட்டு போட்டுருவாங்க அங்கு வழிபடுவதற்கு இண்டியா கூட்டணிக் கட்சியினர் வரவே இல்லை என்று அவர்களை இந்துக்களின் விரோதிகளாக சித்தரிக்கிறார். தங்கள் நாட்டுக் குடிமக்கள் அனைவரையும் சமமாகப் பார்க்க வேண்டிய பிரதமரே, இப்படி மக்களிடம் பிரிவினை ஏற்படுத்தும் வகையில் பேசுவதும், எதிர்க்கட்சிகள் மீது அவதூறு பரப்புவதும் ரொம்பவே மட்டரகமான பிரசாரம்.
வாய்க்கு பூட்டு போடுங்க பிரதமரே… இல்லைன்னா நிரந்தர பூட்டு விழுந்துவிடும்.
