நமது எம்ஜிஆர் முன்னாள் ஆசிரியரும், அதிமுக தீவிர விசுவாசியுமான
மருது அழகுராஜ் சமீபகாலமாக விஜய்க்கு ஆதரவாக பதிவுகள் போட்டுவந்தார். விஜய் பக்கத்தில்
இருந்து போதிய ரெஸ்பான்ஸ் இல்லை என்பதால் அவர் திமுகவில் இணைந்ததாகக் கூறப்படுகிறது.
அதேநேரம், அவரது அரசியல் பாதையை திரும்பிப்பார்த்தால் அதிர வைக்கிறார்.
அதாவது முதலில் காங்கிரஸ் கட்சி, வாழப்பாடி காங்கிரஸ், சமத்துவ மக்கள் கட்சி, தேமுதிக,
அதிமுக, அமமுக, அண்ணாமலை ஆதரவாளர், ஓபிஎஸ் ஆதரவாளர், விஜய் கட்சி ஆதரவு என்றெல்லாம்
சுற்றிவிட்டு இப்போது திமுகவில் இணைத்துள்ளார் மருது அழகுராஜா.,
அதிமுகவில் ஒற்றைத் தலைமை பிரச்சினை காரணமாக எடப்பாடி பழனிசாமி
– பன்னீர் செல்வம் இடையே கருத்து வேறுபாடு ஏற்பட்டது. இதனால் அதிமுக உரிமை மீட்புக்
குழு தொடங்கிய ஓ பன்னீர் செல்வம் அணியில் முக்கிய பிரமுகராக விளங்கினார்.
ஆனால், அங்கேயும் அவருக்கு போதிய மதிப்பும் மரியாதையும் கிடைக்கவில்லை.
எனவே, தனது சமூக வலைதள பக்கத்தில் தொடர்ச்சியாக விஜய்க்கு ஆதரவாக மருது அழகுராஜ் பதிவிட்டு
வந்தார். இதனால், அவர் விரைவில் தவெகவில் இணையக்கூடும் என்று சொல்லப்பட்டது.
விஜய் கட்சியினரும் மருதுக்கு ஆதரவாக குரல் கொடுத்துவந்தனர். ஆனால்,
மருது அழகுராஜ் பற்றி சரியான ரிப்போர்ட் ஆதவ் அர்ஜூனா தரவில்லை. எனவே, மருதுக்கு நோ
சொல்லிவிட்டார் விஜய். இதையடுத்து வேறு வழியில்லாமல் திமுகவில் இணைந்திருக்கிறார்.
இது குறித்து மருது, ‘’திமுகவில் இருந்து தானே அதிமுகவே உருவானது.
எனவே திமுகவில் சேர்வது இயல்பான ஒன்று’’ என்று தெரிவித்தார்.
மருதுக்கு இங்காவது மதிப்பும் மரியாதையும் கிடைக்குமா என்று பார்க்கலாம்.
