மழை வெள்ளத்தால் பாதிக்கப்பட்ட பெண் எழுத்தாளர் இந்துமதிக்கு, முதலமைச்சர் மு.க.ஸ்டாலினின் மனைவி துர்கா ஸ்டாலின் செய்த உதவி குறித்து சமூக வலைதளங்களில் செய்திகள் வைரலாகி வருகின்றன.
மின்சாரம் தண்ணீர் இருக்கிறதா என்று போன் மூலம் துர்கா ஸ்டாலின், எழுத்தாளர் இந்துமதியிடம் விசாரித்த போது, எங்களை ஜீப் மூலம் உட்லண்ட்ஸ் ஓட்டல்ல விட்டுவிடுங்கள் என்று கேட்டுக் கொண்டேன். எப்படியோ ஒரு வழியாக துர்கா ஸ்டாலின் மூலம் தப்பித்தோம் பிழைத்தோம் என்று வீட்டை விட்டு பத்திரமாக வெளியேறியதாக எழுத்தாளர் இந்துமதி தனது முகநூல் பக்கத்தில் பதிவிட்டிருந்தார்.
இதை படித்த நெட்டீசன்கள் பலர், உடனடியாக உதவிகளை பெற வேண்டுமென்றால், எழுத்தாளராகவோ அல்லது மிகப் பெரிய பிரபலமாகவோ இருக்க வேண்டுமோ என்று கேள்வி எழுப்புகின்றனர். மேலும் சென்னை மற்றும் புறநகர் பகுதிகளில் பல இடங்களில் தண்ணீர் வற்றாமல் கழிவுநீருடன் கலந்து தீவுகளாக மிதக்கும் வேளையில் இந்த முகநூல் பதிவு அவர்களை எரிச்சலடைய செய்துள்ளது குறிப்பிடத்தக்கது.
