இன்று தமிழ்நாடு முழுவதும் உள்ள 12 ஆயிரத்து 480 ஊராட்சி அமைப்புகளில்
கிராம சபை கூட்டம் நடக்கிறது. இதில் முதலமைச்சர் மு.க.ஸ்டாலின் 10 ஆயிரம் கிராம சபை
கூட்டங்களில் காணொலி காட்சி வாயிலாக உரையாற்றவுள்ளார். வரும் 2026 தேர்தலுக்குப் பயன்படுத்தும்
வகையில், இந்த கூட்டத்தை ஸ்டாலின் பயன்படுத்துகிறார் என்ற குற்றச்சாட்டு எழுந்துள்ளது.
இன்றைய கிராமசபைக் கூட்டங்களில் கிராம மக்களின் அத்தியாவசிய தேவைகள்,
கிராமத்தின் நிதி மற்றும் பொது செலவினம் குறித்தும் டெங்கு பரவல் தடுப்பு நடவடிக்கைகள்,
தாயுமானவர் திட்ட கணக்கெடுப்பு, சாதிப் பெயர் கொண்ட குக்கிராமம், சாலைகள், தெருக்களின்
பெயர்கள் மாற்றுவது போன்ற விஷயங்கள் குறித்து இந்த கூட்டங்களில் விவாதிக்கப்படவுள்ளன.
அதேநேரம், இந்த கூட்டத்தை தன்னுடைய தேர்தல் பிரசார யுக்தியாக முதல்வர்
ஸ்டாலின் மாற்றுகிறார் என்று எதிர்கட்சிகள் குற்றம் சாட்டுகின்றன. அதாவது, திமுகவுக்கு
வாக்களித்தால் மட்டுமே கிராமத்திற்குத் தேவையான உதவிகள் செய்து தரப்படும் என்பதை சொல்வதற்கே
இந்த கூட்டத்தை ஸ்டாலின் பயன்படுத்துகிறார் என்கிறார்கள்.
இந்தத் திட்டத்துக்கு நம்ம ஊரு, நம்ம அரசு என்று ஸ்டாலின் பேர்
சூட்டியிருக்கிறார். புதுசுபுதுசா பேர் வைப்பதிலும் போட்டோ சூட் நடத்துவதிலும் ஸ்டாலினை
யாரும் அடிச்சுக்கவே முடியாது.
