தமிழக காங்கிரஸ் கட்சியின் முக்கியப் புள்ளியான பீட்டர் அல்போன்ஸ்
வரும் தேர்தலில் விஜய்யுடன் காங்கிரஸ் கூட்டணி குறித்து பேசியிருக்கும் விவகாரம் வைரலாகிவருகிறது.
அவர் இது குறித்து, ‘’இளைஞர்கள் மத்தியில் விஜய்க்கு ஒரு கிரேஸ்
இருக்கிறது. ஹைட்ரஜனை எரிபொருளாக எப்படி உடனடியாக மாற்ற முடியாதோ, அதுபோல இது அரசியல்
சக்தியாக மாறுமா, அதற்கு அவர்கள் தகுதியானவர்களா, அத்தகைய கட்டமைப்பு அவர்களிடம் இருக்கிறதா
என்பது எனக்குத் தெரியவில்லை.
கரூர் போன்ற ஒரு பெரிய துயரச் சம்பவம் நடந்துள்ள நிலையில், நாட்டின்
எதிர்க்கட்சி தலைவராக, முதல்வர் ஸ்டாலினிடம் ராகுல்காந்தி பேசி விவரம் தெரிந்து கொண்டார்.
அதேபோல், எதிர்முனையில் பேசி ஆறுதல் சொல்லி இருக்கிறார். இதற்கு மேல் இதை அரசியல்படுத்த
வேண்டியது இல்லை.
ஏனென்றால் என்னைப் பொறுத்தவரை அதிமுக – பாஜக கூட்டணிக்கு விஜய்
போய்விடுவார். கரூர் சம்பவத்திற்கு பிறகு, தனியாக களத்திற்கு வர தவெக தொண்டர்கள் தயங்குகின்றனர்.
ஒரு கூட்டணி இருந்தால் நல்லது என்று அவர்கள் நினைக்கின்றனர்..’’ என்று பேசியிருக்கிறார்.
