வரலாறுகளில் மன்னராக ஆட்சியில் இருந்த அப்பா, சகோதரர்களைக் கொலை செய்துவிட்டு மன்னராக முடி சூட்டிக்கொண்ட அரசர்கள் பற்றி நிறையவே படித்திருக்கிறோம். அந்த மன்னர் ஆட்சி அதிகாரத்துக்கு கொஞ்சம் குறையாத அதிகாரம் கொண்டவையாக இன்று கட்சிகள் இருக்கின்றன.
கட்சித் தலைமை என்பது அதிகாரம். அந்த போதையிலிருந்து அத்தனை சீக்கிரம் யாரும் விடுபட முடியாது. அதனாலே தள்ளுவண்டியில் செல்லும் நிலை வந்த பிறகும் கருணாநிதி முதல்வர் பதவியை தன்னுடைய மகன் ஸ்டாலினிடம் கொடுக்க முன்வரவில்லை. கருணாநிதியின் மரணத்துக்குப் பிறகே ஸ்டாலினால் கட்சியையும் ஆட்சியையும் கைப்பற்ற முடிந்தது.
அதே போன்ற அதிகாரப் போர் இப்போது பாட்டாளி மக்கள் கட்சியில் நடக்கிறது. சைக்கிளில் சென்று வன்னியர் சங்கத்தை வளர்த்து பாட்டாளி மக்கள் கட்சியாக உருவாக்கிய டாக்டர் ராமதாஸிடம் இப்போது கோடிக்கணக்கில் சொத்துக்கள், கல்லூரிகள், பங்களாக்கள் என்று குவிந்து கிடக்கின்றன. இவற்றை ஒட்டுமொத்தமாக டாக்டர் அன்புமணியும் செளமியா அன்புமணியும் இணைந்து சுருட்டிக்கொள்ள முடிவெடுத்து கட்சியைக் கைப்பற்றியதே பஞ்சாயத்துக்குக் காரணமாக சொல்லப்படுகிறது.
இந்த சொத்துக்களிலும் கட்சியிலும் தன்னுடைய இரண்டு மகள்களுக்கும் அவர்களுடைய பிள்ளைகளுக்கும் பங்கு கொடுக்க வேண்டும் என்று டாக்டர் ராமதாஸ் நினைக்கிறார். அதனாலே இந்த தள்ளாத வயதில் மகனுக்கு எதிராக கத்தி எடுத்து சண்டை போடும் சூழல் உருவாகியிருக்கிறது.
ஜாதியை காரணம் காட்டி ஆயிரக்கணக்கான குடிசைகளைக் கொளுத்திய ராமதாஸ் வீட்டில் சொத்துச் சண்டை பற்றி எரிகிறது. கட்சிக்குள் நானே என் வாரிசுகளோ வந்தால் சாட்டையால் அடியுங்கள் என்று சொன்ன ராமதாஸை அன்புமணியே அடித்துக்கொண்டு இருக்கிறார். அதிகாரம் எத்தனை கொடியது என்பதற்கு வாழும் சாட்சியாக மாறியிருக்கிறார்கள் ஜாதி டாக்டர்கள்.
வன்னியர்கள் இதைக் கண்டும் உஷாராகாமல் இன்னமும் அவர்கள் பின்னே ஜே போடுவது தான் பரிதாபம்.
