தேமுதிக தலைவரும் பிரபல நடிகருமான கேப்டன் விஜயகாந்த் நேற்று (28.12.2023) நிமோனியா காய்ச்சல் காரணமாக மருத்துவமனையில் சிகிச்சை பலனின்றி உயிர் இழந்தார்.
கேப்டன் விஜயகாந்தின் மரண செய்தியை கேட்டு துடித்துப் போன கட்சித் தொண்டர்கள் ரசிகர்கள் என லட்சக்கணக்கானோர் அவரின் உடலுக்கு இறுதி மரியாதை செலுத்தி வருகின்றனர். கருப்பு வைரம், கருப்பு நிலா, கருப்பு எம்ஜிஆர் என்று ரசிகர்களாலும் கட்சி தொண்டர்களாலும் அன்புடன் அழைக்கப்படும் கேப்டன் விஜயகாந்த் இன்று நம்முடன் இல்லை. இருப்பினும் அவர் செய்த நற்காரியங்கள் உதவிகள் இந்த உலகம் உள்ளவரை அவரது புகழை ஒலித்துக் கொண்டே இருக்கும் என்கிறார்கள் கேப்டன் விஜயகாந்தின் விசுவாசிகள்.
திரை துறையிலும் அரசியல் களத்திலும் ஒரு சேர வெற்றி கண்ட கேப்டன் விஜயகாந்தின் இழப்பு ஈடு செய்ய முடியாதது என்பது நிதர்சனமான உண்மை.
