கரூர் கூட்ட நெரிசலில் சிக்கி பலியானவர்கள் குடும்பத்திற்கு விஜய்
நேரில் சென்று ஆறுதல் அளிக்கும் நேரத்தில் அறிவிக்கப்பட்ட நிவாரண உதவித்தொகை வழங்கப்படும்
என்று அறிவிக்கப்பட்டது. ஆனால், நேரில் செல்வதற்கு எக்கச்சக்க இடையூறுகள் இருக்கும்
காரணத்தால் நேற்றைய தினம் கரூர் கூட்ட நெரிசலில் சிக்கி பலியான 41 பேரில் 39 பேரின்
குடும்ப உறுப்பனர்களின் வங்கிக் கணக்கில் தவெக சார்பில் அறிவிக்கப்பட்ட நிவாரணத் தொகை
தலா 20 லட்சம் ரூபாய், வரவு வைக்கப்பட்டுள்ளது.
கரூர் கூட்ட நெரிசலில் சிக்கி உயிரிழந்தவர்களின் குடும்பத்திற்கு
தமிழக அரசு சார்பில் ரூ.10 நிவாரணம் வழங்கப்படும் என்று முதல்வர் மு.க.ஸ்டாலின் அறிவித்தார்.
தமிழக வெற்றிக் கழகமும் உயிரிழந்தவர்கள் குடும்பங்களுக்கு தலா 20 லட்சம் ரூபாய் நிதி
உதவி வழங்கப்படும் என்றும் தவெக சார்பில் அறிவிக்கப்பட்டிருந்தது.
நிவாரணத் தொகை அறிவிக்கப்பட்டு 20 நாட்கள் கடந்த நிலையில், உயிரிழந்தவர்களின்
குடும்ப உறுப்பினர் வங்கிக்கணக்குகளில் தலா 20 லட்சம் ரூபாய் ஆன்லைன் மூலம் வரவு வைக்கப்பட்டுள்ளது.
இறந்த 41 பேரில் 39 பேருக்கு மட்டும் நிதியுதவி வழங்கப்பட்டுள்ளதாகவும் பிரித்திக்,
சந்திரா ஆகியோரின் குடும்பத்தினருக்கு நிவாரணம் வழங்கப்படவில்லை என்றும் கூறப்படுகிறது.
இதனிடையே தவெக சார்பில் யாரும் தீபாவளி பண்டிகையை கொண்டாட வேண்டாம்
என தவெக நிர்வாகிகளுக்கு அக்கட்சியின் பொதுச் செயலாளர் என்.ஆனந்த் உத்தரவு பிறப்பித்துள்ளார்.
மேலும் தவெக தனித்து நிற்கும் என்றே இதுவரை கூறப்பட்டு வந்தது.
ஆனால், கரூர் துயரம் விஜய்யின் மனப்பான்மையை மாற்றியுள்ளது. அ.திமு.க.விடன் இயல்பான
கூட்டணி அமையும் சூழல் நிலவுவதாக கூறப்படுகிறது. எனவே, கரூர் போய்விட்டு வந்த பிறகு
கூட்டணிப் பேச்சுவார்த்தை ஆரம்பமாகும் என்று தெரிவிக்கிறார்கள். குறைந்தபட்சம் 50 சீட்
எதிர்பார்க்கிறாராம் விஜய், இது சாத்தியமில்லை என்பதால் கூட்டணிக்கும் வாய்ப்பில்லை
என்கிறார்கள். ஆனாலும், அதிமுகவினர் நம்பிக்கையுடன் காத்திருக்கிறார்கள்.
