இந்தியா ஒரு மதசார்பற்ற நாடு என்ற போதிலும் தற்போது நடந்து வரும் அனைத்து நிகழ்வுகளும் இந்த கோட்பாட்டினை கேள்விக்குறியாக்கி வருவதாக எதிர்க்கட்சிகள் கடுமையாக விமர்சித்து வருகின்றன.
அந்த வகையில் அயோத்தியில் புதிதாக திறக்கப்பட்டுள்ள ராமர் கோவில் பல்வேறு சர்ச்சைகளையும் கேள்விகளையும் கிளப்பியுள்ளது. மேலும் ராமர் கோவில் வருகிற நாடாளுமன்ற தேர்தலில் பாஜக வெற்றி பெறுவதற்கு ஒரு பெரிய ஆயுதமாக பயன்படுத்தப்பட்டு வருகிறது.
மேலும் பல்வேறு மாநிலங்களை சேர்ந்த ராம பக்தர்கள் அயோத்திக்கு படையெடுத்து வருகின்றனர் இதன் மூலம் பாஜகவின் வாக்கு வங்கி உச்சத்தை தொடும் என்று அரசியல் நோக்கங்கள் கருத்து தெரிவித்து வருகின்றனர். கட்டுமான பணிகள் முழுமையாக நிறைவடைவதற்கு முன்னதாகவே ராமர் கோவில் அவசர அவசரமாக திறந்து வைக்கப்பட்டதற்கான முக்கிய காரணம் நாடாளுமன்ற தேர்தல் என்ற கருத்தும் நிலவி வருகிறது.
