பெரும்பாக்கத்தில் உள்ள பள்ளிக்கரணை சதுப்பு நில ராம்சார் பகுதியில்
ரூ 2000 கோடி மதிப்பிலான 1250 வீடுகள் கட்டுவதற்கு பிரிகேட் மார்கன் நிறுவனத்திற்கு
திமுக அரசு அனுமதி
கொடுத்திருப்பதில் பெரும் ஊழல் நடந்திருப்பதாக குற்றச்சாட்டு எழுந்துள்ளது.
இதுகுறித்து அறப்போர் ஜெயராமன், ‘’சென்னை பெரும்பாக்கத்தில் பள்ளிக்கரணை
ராம்சார் சதுப்பு நிலப்பகுதியில் சட்டத்தை மீறி பிரிகேட் மார்கன் ஹைட்ஸ் என்னும் நிறுவனத்திற்கு
1250 பன்மடங்கு குடியிருப்பு அடுக்குமாடி வீடுகள் கட்ட சுற்றுச்சூழல் அனுமதி மற்றும்
கட்டுமான திட்ட அனுமதியை சட்டவிரோதமாக வழங்கி அந்த பகுதியில் மேலும் வெள்ளம் ஏற்படுவதற்கான
வழிகளை தமிழ்நாடு சுற்றுச்சூழல் துறையும், வனத்துறையும், சென்னை பெருநகர கட்டுமான குழுமம்
துறையும் செய்துள்ளது.
இந்த ஊழல் பற்றிய புகார் மற்றும் ஆதாரங்களை அறப்போர் இயக்கம் இன்றைய
தினம் லஞ்ச ஒழிப்பு துறை, முதலமைச்சர், தலைமை செயலாளர், மத்திய அரசின் சுற்றுச்சூழல்
துறை என பத்து சம்பந்தப்பட்ட துறை பொது ஊழியர்களுக்கு புகார் அனுப்பியுள்ளது. ராம்சார்
நிலத்தில் ரியல் எஸ்டேட் செய்ய முதலீடுகள் மாநாட்டில் புரிந்துணர்வு ஒப்பந்தமா ? முதல்வர்
ஸ்டாலின் என்ன பதில் சொல்ல போகிறார் ?’’ என்று கேள்வி எழுப்பியிருக்கிறார்.
இது குறித்து பேசுபவர்கள், ‘’இந்த இடத்தில் 600 ஹெக்டேர் நிலம்
வனத்துறைக்கும் மீதம் 500 ஹெக்டேர் தனியாருக்கு மற்றும் அரசுக்கு சொந்தமானது. நீண்ட
காலத்திட்டத்துடன் அரசு அப்படியே பராமரிப்பது நல்லது. மக்களுக்கும் நல்லது. ஆனால் இங்கு
குறிப்பிட் 14 ஏக்கரில் இதன் சர்வே எண் பெரும்பாலும் காப்புக்காடு. சமீகாலமாக பல சர்வே
எண் மாறியுள்ளது. இந்த பகுதி ராம்சார் குறியீடு பெற்ற பகுதியாக அறிவிக்கப்பட்ட பகுதி.
அதில் கட்டுமானம் எழுப்ப சிஎம்.டிஏ வனத்துறை – வருவாய்த்துறை உள்ளிட்ட பலதுறைகளால்
கிளியரன்ஸ் தரப்பட்டது. எப்படிசாத்தியம்? விதிகளுக்கு முரணாக அனுமதி தந்தது மக்களை
ஏமாற்றும் செயல்
சாதாணமாக சிஎம்.டி.ஏ வில் ஒரு வீடு கட்ட அனுமதி கேட்டு எத்தனை
நாள் நடக்கவேண்டியிருக்கும். ஆனால் பிரிகெட் கம்பெனி 21 ந்தேதி கடிதம் தருகிறது.
23 ந்தேதி முழுமையான அப்ரூவல் தரப்படுகிறது. எப்படி?’’ என்று கேள்வி எழுப்புகிறார்கள்.
பதில் சொல்லுங்க ஸ்டாலின்.
