பாஜக கூட்டணியில் இருந்த டிடிவி தினகரன் இப்போது திசை மாறத் தொடங்கியிருக்கிறார்.
தஞ்சையில் டிடிவி கொடுத்த பேட்டி எக்குத்தப்பாக அரசியல் பஞ்சாயத்தாக மாறியிருக்கிறது.
தொடர்ந்து பாஜக கூட்டணியில் இருப்பதை விட அண்ணாமலை தலைமையில் தனிக்கூட்டணிக்கு முயற்சி
செய்வதாக சொல்லப்படுகிறது.
தஞ்சையில் செய்தியாளர்களை சந்தித்த டிடிவி தினகரன், ’’கரூரில்
நடந்தது விபத்து தான். ஆனால் இதற்கு தவெக தார்மீக பொறுப்பு ஏற்று இருக்க வேண்டும்.
இபிஎஸ் மட்டும் பதவி வெறியில் பேசுகிறார்.ஆட்சியாளர்கள் தான் காரணம் என பேசுகிறார்.
ஆடு நனைகிறே என்று ஓநாய் அழுகிறது போல் பேசுகிறார். தவெகவிற்கு வக்கீல் போல் பேசுகிறார்.
இபிஎஸ் நடவடிக்கை அநாகரிகமாக இருக்கிறது. அநாகரிகமாகப் பேசுகிறார்.
41 பேர் இறந்து இருக்கிறார்கள் இந்த நேரம் கூட்டணி பேசுகிற நேரமா..?
கூட்டணி பேசுகிற நிலைமையிலா விஜய் இருப்பார். எந்த தலைவருக்கும் இந்த நிலையில் அது
போன்ற மனநிலை இருக்காது.
இபிஎஸ் ஊர் ஊராக போய் கூவுகிறார். இபிஎஸ் என்ன தான் பேசினாலும்
அவரை அமமுக வீழ்த்தாமல் ஓயாது. தூத்துக்குடியில் 13 பேர் சுட்டுக்கொண்ட போது அவர்
அங்கு செல்ல வில்லை. டிவியில் தான் பார்த்து தெரிந்து கொண்டேன் என்று கூறியவர் இபிஸ்.
போலீஸ் கையில் இருந்தும் தூத்துக்குடி செல்லவில்லை.., பின்னர் தான் சென்றார். ஆனால்
முதல்வர் கரூருக்கு சென்றதை இபிஎஸ் விமர்சிக்கிறார். கரூர் பெரும் துயரில் உறவினர்களை
இழந்தவர்கள் என்ன நினைப்பார்கள்.. இந்த நேரத்தில் இதை வைத்துக்கொண்டு அரசியல் செய்கிறார்களே
என கவலைபடமாட்டார்களா?
இபிஎஸ் ஊர் ஊராக சென்று உச்சத்தில் கூவுகிறார். எதிர்க்கட்சி என்ற
முறையில் அவர் பேசலாம், ஆனால் கரூர் சம்பவத்திற்கு ஆளும் கட்சி தான் காரணம் என்று கூவுவது
சரியில்லை.
மத்திய நிதி அமைச்சரும், எல்.முருகனும் பிரதமர் அனுப்பி தான் வந்தார்கள்.
அவர்கள் சரியாக தான் பேசினார்கள். ஆனால் பாஜக குழு ஏன் வந்து என தெரியவில்லை. தூத்துக்குடி
துப்பாக்கிச்சூட்டிற்கு வராதவர்கள் கரூருக்கு வந்துள்ளார்கள். பாஜக குழு, இபிஎஸ் பேசுவது
போல் வருத்தம் அளிக்கிறது. தயவு செய்து கரூர் விவகாரத்தை அரசியலாக்க வேண்டாம்
அண்ணாமலை கரூர் விவகாரத்தில் பேசியது எனக்கு வருத்தம் அளிக்கிறது…
உடல் நிலை சரியில்லாததால் அண்ணாமலையிடம் பேசவில்லை.. அண்ணாமலை ஏன் இப்படி பேசுகிறார்
என்று தெரியவில்லை…’’ என்று கூறியிருக்கிறார்.
அதேநேரம், அண்ணாமலையுடன் தினகரன் ரகசியப் பேச்சுவார்த்தை நடத்திவருகிறார்,
அது மிகப்பெரும் திருப்பமாக அமையப்போகிறது என்று அமமுகவினர் கூறிவருகிறார்கள். வேடிக்கை
பார்க்கலாம்.
