2014ம் ஆண்டு பாரதப் பிரதமராக நரேந்திர மோடி நிறுத்தப்பட்ட நேரத்தில், ‘நான் மக்கள் சேவகன். நான் மக்களுக்கு உழைக்கப் போகிறேன்’ என்று சொல்லி வாக்குகள் கேட்டார். மக்களும் அவரது பணிவைக் கண்டு வாக்களித்தார்கள்.
அடுத்து வந்த 2019 தேர்தலில், ‘என்னுடைய தலைமையில் இந்தியா முன்னேறிக்கொண்டு இருக்கிறது. இந்தியாவை வல்லரசாக்க எனக்கு மீண்டும் வாய்ப்பு தாருங்கள்’ என்று கேட்டார். மக்களும் அவரது தலமையை நம்பி வாக்குப் போட்டார்கள்.
கடந்த 10 ஆண்டுகள் இந்த நாட்டை ஆட்சி புரிந்துவிட்டு இப்போது மீண்டும் தேர்தல் களத்தில் நிற்கிறார் பிரதமர் மோடி. இந்த 10 ஆண்டு காலத்தில் அவரது சாதனையாக ராமர் கோயில் கட்டியதை மட்டுமே முன்னிறுத்துகிறார். அது மட்டுமின்றி, ‘நான் ஒரு சாதாரண தாயின் வயிற்றில் இருந்து பிறந்ததாகத் தெரியவில்லை. என்னை அந்த கடவுள் அனுப்பியிருக்கிறார். ஆகவே, எனக்கு வாக்களியுங்கள்’ என்று கேட்கிறார்.
ஒரு சாதாரண மனிதன், தலைவனாவது நல்ல விஷயம். ஆனால், கடவுளாவது மனநலக் கோளாறு என்று அவரது கட்சியினரே ஆச்சர்யமாகப் பார்கிறார்கள். கடவுளின் பிள்ளை நாட்டை ஆள வேண்டாம், ஒரு துறவியாக மாறட்டும். நாட்டை ஆள்வதற்கு தலைவர்கள் போதும்.
