மத்தியில் ஆளும் பா.ஜ.க. அரசு வருமான வரித்துறை, அமலாக்கத்துறை,
சிபிஐ ஆகிய அமைப்புகளைக் கொண்டு பெரும் புள்ளிகளை மிரட்டுவதாக எதிர்க் கட்சிகள் தொடர்ந்து
குற்றம் சாட்டி வருகின்றன. இந்நிலையில் பா.ஜ.க.வுக்கு தேர்தல் பத்திரம் மூலம் ஒரே ஆண்டில்
கூடுதலாக 1,800 கோடிக்கும் அதிகமாக கிடைத்திருக்கும் செய்தி அதிர வைக்கிறது.
தேர்தல் ஆணையம் வெளியிட்ட ஆண்டு அறிக்கையில்,, ஆளும் பா.ஜ.க.வுக்கு
தன்னார்வ பங்களிப்புகள் 2022-2023 ஆண்டில் ரூ.2,120.06 கோடியிலிருந்து 2023-2024 ஆண்டில்
ரூ.3,967.14 கோடியாக அதிகரித்துள்ளதாகக் காட்டுகிறது. இதில், பாஜக தேர்தல் பத்திரங்கள்
மூலம் ரூ.1,685.62 கோடியைப் பெற்றது, இது அதன் மொத்த வருமானத்தில் 43% ஆகும்.
2022-2023 ஆம் ஆண்டில், கட்சி தேர்தல் பத்திரங்கள் வடிவில் ரூ.1,294.14 கோடியைப் பெற்றது,
இது மொத்த வருமானத்தில் 61% ஆகும்.
கடந்த ஆண்டு பிப்ரவரியில், தேர்தல் பத்திரத் திட்டத்தை உச்ச நீதிமன்றம்
செய்யத நிலையில், தேர்தல் பத்திரங்கள், அரசியலமைப்பிற்கு விரோதமானது என்று தீர்ப்பளிக்கப்பட்டது.
மக்களவைத் தேர்தல் ஆண்டிற்கு எதிர்பார்த்தபடி, தேர்தல், பொது பிரச்சாரத்திற்கான பாஜகவின்
செலவு முந்தைய ஆண்டில் ரூ.1,092.15 கோடியிலிருந்து ரூ.1,754.06 கோடியாக அதிகரித்ததாக
அறிக்கை காட்டுகிறது.
நன்கொடைகளின் அடிப்படையில் பாஜகவுக்கு அடுத்த இடத்தில் காங்கிரஸ்
இருந்தாலும், தேர்தல் ஆண்டில் பங்களிப்புகளில் அதிகரித்தது காங்கிரஸின் ஆண்டு அறிக்கை,
கட்சியின் மானியங்கள், நன்கொடைகள், பங்களிப்புகள் 2022-2023-ம் ஆண்டில், ரூ.268.62
கோடியிலிருந்து 2023-2024 இல் ரூ.1,129.66 கோடியாக அதிகரித்துள்ளது, இது கிட்டத்தட்ட
முந்தைய ஆண்டைவிடவும் 320% அதிகரித்துள்ளது என்பதைக் காட்டுகிறது. கட்சிக்கு
கிடைத்த மொத்த நன்கொடைகளில் தேர்தல் பத்திரங்கள் மூலம் 73% கிடைத்துள்ளது. இதன் மதிப்பு,
ரூ.828.36 கோடியாகவும் இருந்தன. இது 2022-2023 ஆம் ஆண்டில் ரூ.171.02 கோடியாக இருந்தது.
மக்களவைத் தேர்தலுக்கு சற்று முன்னதாக தேர்தல் பத்திரத் திட்டத்தை
உச்ச நீதிமன்றம் ரத்து செய்ததால், 2023-2024 ஆண்டு, அரசியல் கட்சிகள் பெயர் குறிப்பிடப்படாத
நிதியைப் பெறக்கூடிய கடைசி நிதியாண்டாக அமைந்தது. இந்தத் திட்டத்தின் மிகப்பெரிய பயனாளியாக
பாஜக இருந்தது, ஏப்ரல் 2019 முதல் தேர்தல் பத்திர திட்டம் ரத்து செய்யப்படும் வரை விற்கப்பட்ட
மொத்த தேர்தல் பத்திரங்களில் பாதியை பா.ஜ.க பெற்றது (ரூ.6,060 கோடி), அதைத் தொடர்ந்து
திரிணாமுல் காங்கிரஸ் (ரூ.1,609.53 கோடி) மற்றும் காங்கிரஸ் (ரூ.1,421.87 கோடி) அடுத்தடுத்து
இடங்களில் உள்ளன என்பது குறிப்பிடத்தக்கது.
இத்தனை கோடிகள் வைத்திருக்கும் கட்சி தேர்தலில் என்னவெல்லாம் செய்யப்போகிறதோ..?
.
